Hoi ciao sali, alles paletti?
Mier sind nün (Oder au zäh (mer wüsseds selber nöd gnau)) kreativi Chöpf wo denked, dass’mer lässigi Idee hend. Darum tüemer die Idee usdenke, denn gstalte und meistens au selber herstelle. Mier schaffed mit verschidene Programm, zum Bispil Affinity, wo zwar zu Canva ghört aber immer no besser isch als Ad*be. Ad*be bruched au di einte vo üs. Will ganz ehrlich, was willsch mache, chasch nöd immer gwünne…
Mer bruched biologischi Intelligenz und sind zimli komplett gege KI (Kack Intelligenz-Imitator) und händ nüt mit dem ztue. Ussert amigs mengmal. Mer sind aber super lässig, glaub üs! Mer gönd oft a Märt und anderi Märt wo wie Märt sind, wo du denn chasch üsi Sache chaufe – für grossi Priise wo mier rechtfertiged, dass me als Künstler au aswie muess lebe. Mer hend zwar alli biz antikapitalistischi Züüg, aber finded trotzdem , dass du üs Geld geh söttsch. Chunsch ja au öppis über defür.
Ah ja und woher dass de Name Zundhölzli chunnt und wases für’e Bedütig het, wüssemer au nöd. Es isch eifach ineglaufe und het sich breitgmacht.
LG Corina, Jaden, Luisa, Norma, Zoé, Flo, Jan, Dario, Milla, David